Crystal ShaLalala 的故事
店主簡介 我係一個有兩個小朋友嘅全職媽媽，希望開發自己嘅事業，尋找到自己嘅方向。 而我喜歡水晶，相信水晶嘅天然力量，所以選擇咗開水晶嘅零售小店。
名字的由來
點解叫 Crystal ShaLalala 呢？
Crystal 顧名思義就即係水晶，而ShaLalala 讀起上嚟你會諗起咩？
諗起開心愉快嘅心情，輕鬆嘅節奏，無拘無束嘅感覺，諗起一首好受歡迎嘅卡通片嘅主題歌。
“Shalalala 陪併我一起歌唱，高聲安歌 同樂去踏踏步 Doxxxxxx 讓此刻不會老 美景將可以望見得到⋯⋯”
係咪感覺好輕鬆自在呢～
就係呢種透心嘅輕鬆感，好想喺生活中常常記得呢種感覺，更加想將呢種感覺帶比身邊嘅所有人。
因為喺呢個城市生活真係滿有壓力，工作嘅煩囂，快速嘅步伐，都令生活添加咗好多壓力同負面嘅情緒。
我曾亦係咁一度陷入情緒問題，有一次巧妙地遇上咗水晶，被一種好特別嘅感覺吸引住，
然後就隨心感覺帶走幾串水晶，慢慢開始對水晶以及原石有更大嘅興趣同學習，
同時自己嘅身心同氣場都有正面嘅改善，大大提升咗，精神同情緒都得到好好嘅改變。
呢個係我呢個全職媽媽開展 ShaLalala 嘅原因同動力。
我帶住呢個初衷，希望有緣嚟到ShaLalala購物嘅你，都係開心購物，
輕鬆愉快咁揀選到自己嘅心頭好，而所帶走嘅水晶飾物都能夠帶比你正面能量同愉悅嘅心情。
Happy shopping, happy living 🩷
